Kining atong pagsaulog sa Siete Palabras kon Pito nga Katapusang Pulong ni Hesukristo sa Krus nagapahinomdom kanato sa matood nga Gugma sa Diyos.
Pagpahinumdom ug pag-awhag kanato nga Iyang mga anak nga maghinigugmaay ug magpinasayloay; ipahiuli ug palig-unon ang pagtoo ngadto Kaniya; ug ampingan ang pulong sa Diyos ug ang tibuok kabuhatan isip mga piniyalan ug magbalantay niini.
Kita giawhag nga buhaton ang tukmang buhat isip mga piniyalan nga mao kini ang atong misyon ibabaw sa kalibutan sa managlahi man nga mga Pamaagi.
“Giuhaw Ako”, matud pa. Siya giuhaw sa atong buhing pagtoo ug pagpakabana.
Busa, matag higayon, matag gutlo himoon natong kahigayunan sa Pagpangalagad sa Diyos, sa Katawhan, sa Katilingban, sa atong isig kaingon ug sa tibuok Kabuhatan. Mao kini ang bulawanong sangon kanato sa Diyos.
Atong pangitaon ug puy-an ang gingharian sa Diyos diha sa atong mga kasing-kasing ug Kinabuhi ug ang kamatuuran, kaluwasan atong maangkon.
Amen. Alleluia.
Rev Fr Alberto Capol
Parish Priest
Mother of Perpetual Help
Salawagan, Quezon, Bukidnon
April 18, 2025
