Palm Sunday: Usa ka Pamalandong:
Palm Sunday is a day when Christians traditionally celebrate the Triumphal Entry of Jesus into Jerusalem.
But it was not only about this triumph but also to send the messages sa Pagpangalagad nga Mapainubsanon o dili garbuso; Pag-ila sa Kaugalingon nga Katakus og dili ang Prestihiyo o Imahe; Pagpailalom o pagsunod nga dili subay sa Popularity o pagka-ilado.
Ang Anak sa Diyos wala migamit sa maong kagahum o imahe aron nga Siya tuuhan. Nagpuyo Kini uban sa katawhan, mga ulipon, mga masakiton, mga gibiay-biay ug gihiklin.
Wala kini magpuyo sa Garbo nga mosakay sa mga dagkong Kabayo nga simbolo sa gahum kundi usa ka Asno/Donkey pagpakita nga Siya kauban sa katawhan ug sukwahi sa nagtunhay niadtong panahona nga dili patas nga katilingban. Nag-alagad siya sa katawhan nga dili hambog luyo sa iyang pagka-Anak sa Diyos. Wala kini niya gigamit nga lisensya aron ilhon siya. Kundi iya kining gipamatud-an sa buhat ug pagnunot sa katawhan.
Nagtudlo usab ang kinabuhi ni Hesus nga magsunod ang Katawhan sa Diyos Amahan dili tungod sa pagka-ilado ug sa gahum nga anaa Kaniya kundi tungod sa Kalingkawasan ug Kaluwasan nga igatugyan subay usab sa buhat sa tawo. Wala magtudlo nga ang mga bahandianon ug naghupot sa daghang sundalo ug armas ang angayang masunod kundi ang si kinsang nagsangyaw ug nagbuhat sa katarong ug kaangayan nga gikahinut-an sa Diyos.
Siya nagpanudlo sa Kaangayan ug dili nga ang gahum ug bahnadi anaa lang sa pipila; iyang gilingkawas ang katawhan sa pagkaulipon sa mga nanaghari-hari ug sa pagkaulipon sa sala ug wala nagpanudlo nga himoong gahum ang posisyon aron ipatuman ang kaugalingong interes; nagtudlo ug naghatag sa gasa sa kaalam alang sa pagtuki ug Pag-ila sa matood ug wala nagtudlo nga ang maong kahibalo magsabwag sa mga bakak ug butang-butang.
Iyang gitugyan ang Iyang Kinabuhi alang sa atong kalingkawasan ug kaluwasan uban sa pagtawag nga kitang tawo may Kaakuhan ngadto sa Diyos, sa atong isig kaingon, ngadto sa Kabuhatan ug sa Pagsangyaw sa Kamatuuran sa Diyos ug dili ang pagpasulabi sa kalibutanong kaulag sa gahum, bahandi, prestihiyo ug popularidad.
Brother Val