Mga pamalandong sa Pulong Sa Diyos
PENaagi ni Rev Fr Aljun Notarte, Jr.
Agosto 10, 2025
Sa atong pagsaulog niining Santos nga Yukaristiya ug pag-ambit sa mga pulong sa Diyos si Apostol Pablo sa iyang unang sulat ngadto sa mga taga-Corinto, nag-awhag ug nagpasidaan kanato nga dili ta magtinguhag dautang butang sa uban ingon sa mga binuhatan nila. Dili ta magsimba ug mga diyos diyos; dili ta makig-hilawasnon; dili nato pagasulayon ang Ginoo; ug dili ta magbagolbol sama sa ilang ginabuhat.
Gipasidan-an usab kita sa dili pagbuhat sa mga dautang butang nga gibuhat sa mga tawong malapason sa kasuguan sa Dios.
Una,, pagsimba ug mga dios dios (Idolatry) Ang balaang kasulatan nag ingon, too lang sa usa ka Dios ug Siya lang ang alagari. Ang gihisgutan nga dios dios mabasa sa libro sa Exodo 32:6,.
Ika-duha,, makig-hilawasnon (sexual Immorality). Hingpit nga gipasidan-an kanaton sa dili pagpuyo sa imoral nga pakig-hilawas sama sa nahitabo kaniadto nga sa pipila ug sulod sa usa ka adlaw lamang nangamatay ang 23 ka libo.(1 Corinto 10:8) ug gidugang pagpasabot sa libro sa (numerous 25:1-3).Ika-tulo, ,dili nato sulayon ang Ginoo (Numerous 21:5-6). Dawaton nato nga gipangga ug gihigugma kita sa Diyos (Juan 3:16). Timan-an nato mga igsoon nga si Hesus maoy nagluwas kanato,, gidawat Niya ang tanang kasakit ug pag antos. Namatay siya sa krus para ang tanan nga motan-aw Niya maluwas ( Juan 3:15).
Pero Wala ni magpasabot nga gawasnon tang mobuhat sa pagpakasala. Isip kita mga tinuod nga Kristiyano dapat mobarug kita, ug putlon nato ang pinaka-ugat sa pagpakasala diha-sa tagsa tagsa nato ka kasing-kasing. Dili ta magtinguhag dautan batok sa atong isigka-ingon.
Mga igsoon, lig-onon nato ang atong pagtoo para mapaduol ta sa DIos, (1 Corinto 10:11-13).
Ang Santos nga ebanghelyo sa laing bahin nagpabati kanato sa gugma sa Diyos sa Iyang katawhan. Matud pa, gihilakan ni Hesus ang Jerusalem,. Mihilak siya dili tungod sa iyang kaugalingon kon dili sa Iyang katawhan nga wala nakakita sa gasa ug kahigayunan sa kaluwasan, ug mas nanagbuhat sa dili pagka-matinuohon. SI Hesus mihilak tungod kay gibalibaran sa katawhan ang kalinaw nga Iyang gipaambit kanato ug gipili pa nato ang pagbuhat sa mga bayolenting mga gawi. Mga luha kato sa matood nga paghigugma ug pagpangga.
Ug labaw sa tanan mihilak Siya kay nasayod kini nga duol na ang paghukom. Iyang gipanag-abog ang mga nagbuling ug nagbugal-bugal sa templo sa Diyos(Lukas 19:45-47)..
Mga hinigugma kong mga igsoon, kita nug ang katilingban mao ang templo sa Diyos nga buhi; ug dili Niya itugot nga mahugawan kita ug mopuyo ang pagka dautan dinhi kanato. Mao nga kanunay giabog Niya ang dautan nga naa sa sulod kanato. Ug unta igsoon ato kining bugtian sa pagtuman sa atong mga responsibilidad ug pakabalaanon ang templo sa Diyos dinhi sulod kanato. Kay mamahimong walay bili ang hayag sa atong mga mata, kung ang atong kasing kasing magpabilin nga buta,
Dalaygon ang Diyos.
Sa ngalan sa Diyos Amahan, Anak ug sa Ispiritu Santo ingon sa Inahang Maria, Amen. Alleluia.