Synodal Pastoral Conference Malampuson, Print Publication launched
1. Synodal Pastoral Conference ug Strategic Planning, Malampuson
SYNODAL PASTORAL CONFERENCE ug Strategic Planning sulod sa tulo ka adlaw nga gisalmutan sa mga membro sa College of Bishop/Board of Trustees uban ang mga Representante sa nagkalain-laing Diocese ubos sa Filipino Katoliko Church malampusong napahigayon. Sa maong komperensya niadtong 6-8 sa November 2024 didto sa Parokya sa Santiago de Galicia, Compostela, Davao de Oro nabalik-tan-aw ang mga pundamental nga dokumento, doktrina, pagtoo, mga tahas ug responsibilidad ingon man ang gidamgo nga Katilingban sa mga magtotoo uban ang Simbahan. Nahisgutan usab ang mga nag-unang rekomendasyon sa pagpalig-on sa mga relasyon, institusyon ug istruktira. Sa kaulahian, napanday ang Lima ka tuig nga estratehikong direksyon.
Mikutlo usab ug Inspirasyon ang komperensya gikan sa mga kalig-unan ug commitments sa mga lideres sa Simbahan ug mga katawhan ang maong Komperensya diin nakita nga Isa kini sa dakung dugukan sa kalig-on ug pagpadayon.
Pipila sa mga estratehikong resolusyon ug rekomendasyon sa maong komperensya nga gidapat ngadto sa Lima ka tuig nga plano mao ang mga mosunod:
– Palambuon ug Palig-unon ang Istruktura, Operasyon ug mga Institusyon sa Filipino Katoliko.
– Palambuon ang mga giya alang sa Socio-Economic Program; Welfare and Support Program; Finance and a Resource Management; Ministries on Youth, Women, Liturgy and Rubrics, ug Finance.
– Pagpalambo sa mga relasuon tali ug sa tibuok church leaders, workers ug mga pamilya niini. Uban usab ang pagmugnag mga pamaagi nga makapahugot sa mga relasyon tali sa mga membro sa mga Diocese ug Parokya ngadto na sa mga kapilya.
– Pagpalambo sa mga Kakayahan ug Kapasidad sa mga alagad sa Altar ug Katawhan pinaagi sa mga kinahanglang pagtoon.
– Aktibo nga pagpanginlabot na lambigit sa pag-amuma ug pagpahiuli sa Kinaiyahan ug pagpataas sa Katakus sa Katawhan uban ang pagpakiglambigit sa mga pribado ug pampublikong ahensya ug organisasyon.
– Pagpatawag ug mga sectoral ug thematic nga conferences sama sa Reverend Mothers and Sisters, COB/BOT Revival, Women, Youth, Kinaiyahan ug uban pa.
2. Commitment Review Gipahigayon
Sagol nga emosyong nagpadayagay sa ilang mga Kaugalingong Inspirasyon diha sa pagpangalagad sa Diyos, Simbahan ug Katawhan ang mga membro sa College of Bishop uban ang mga ministro (Obispo, Pari ug Madre) isip sugod sa gipahigayong Synodal Pastoral Conference ug Strategic Planning Workshop. Tumong sa maong tagsa-tagsang mga pagpaambit makutluan ug mga pagtulun-an ug rekomendasyon alang sa nagsunod nga mga workshop gawas pa sa pagpadayag usab sa mga naatubang nga hagit langkob ang mga pamaagi sa pag-atubang niini.
3. Gimbuhaton alang sa Kinaiyahan, Kabuhatan Gipanghingusgan pa
Seryoso nga gibalikan sa mga membro sa College of Bishop/Board of Trustees ang Mission and Vision statements nga anaa ang Simbahang Filipino Katoliko dungan sa pagreflect sa kahimtang sa Kalibutan ug sa tibuok Kabuhatan. Isip magtotoo ug manunonod sa mga tudlo ug kinabuhi sa Kristo Hesus nakakab-ot sa resolusyon nga Panghingusgan pa ang gimbuhaton alang sa Kinaiyahan ug Kabuhatan isip mga Piniyalan ug Magbalantay diha sa nagkalain-laing natad sulod ug sa gawas sa pagpangalagad sa Simbahan. Uban niini nga resolusyon mao ang hugot usab nga pagpalambo sa pagpallkiglambigit sa mga ahensya sa goberno kalabot sa Kinaiyahan ug ingon man sa uban pang sekta ug mga civil society organizations.
4. Welfare and Support Program Gipalapdan
Ang College of Bishops/Board of Trustees sa Filipino Katoliko Church human sa seryosong pagbalanse sa kahimtang sa mga Church leaders and workers, Katilingbanong mga hagit ug gibug-aton sa mga gimbuhaton nahiusahan nga palapdan pa ang Welfare and Support Program niini ug mas palambuon ang nagtunhay niining sistema. Gawas sa panglawas, gitino sa maong pagpanubay nga ilangkob na ang pension, suporta sa pamilya ug ang pagkonsidera na nga i-expand usab ngadto sa mga membro sa relihiyon.
—
Ang FILIPINOKATOLIKO.INFO mao ang periodic printed publication sa Filipino Katoliko Church ilawom sa Education and Information Department sulod sa Office of the Head Bishop.
