San Vicente Ferrer Chapel:
“Sa Bag-ong Tuig, maghiusa kita sa pagbarog alang sa kausaban nga tinud-anay, kalinaw nga malungtarun, ug kaugmaon nga aduna’y paglaum alang sa tanan”
Sa pagsugod sa Bag-ong Tuig, hinaut nga dili lang kalendaryo ang mausab kundili ang atong kasingkasing, hunahuna, ug mga buhat. Hinaut nga magsugod ang tinuod nga pagbag-o sa matag indibidwal—pagbag-o nga puno sa integridad, kakugi, ug pagrespeto sa isigkatawo.
Hinaut nga ang ekonomiya molig-on pinaagi sa matarong nga panginabuhian ug patas nga kahigayunan alang sa tanan. Hinaut nga ang mga magmamando mamuno uban sa kaalam, pagkamatinud-anon, ug tinuod nga pag-alagad sa katawhan, dili alang sa kaugalingong interes kundili alang sa kaayohan sa nasod.
Hinaut usab nga ang Bag-ong Tuig magdala og mas lawom nga pag-amuma sa kinaiyahan—nga atong hinumduman nga ang yuta, dagat, ug kalasangan dili lang panulondon apan panagutan nga atong ipasa sa sunod nga henerasyon.
Sa Bag-ong Tuig, maghiusa kita sa pagbarog alang sa kausaban nga tinud-anay, kalinaw nga malungtarun, ug kaugmaon nga aduna’y paglaum alang sa tanan.
Malipayon ug Mapuslanong Bag-ong Tuig sa tanan!
Filipino Katoliko
San Vicente Ferrer
San Toribio, Esperanza, Agusan del Sur