Mabuhay ang mga MAMUMUO:
Wala nalilong ang pagtaas sa gidaghanon sa walay mga trabaho sa atong nasud karong panahona nga maoy nakatukmod sa atong kaigsoonan nga manimpalad gawas sa atong nasud aron mahatagan ug igong pagtubag ang panginahanglan sa ilang pamilya.
Wala usab nalilong ang ubos nga suholan ug kulang nga benepisyo ug proteksiyon sa mga mamumuo sa atong nasud.
Ang Labaw nga Makagagahum nagmando, “Dili mo daugdaugon ang mamumuo nga kabus ug adunay kinahanglan…sa iyang adlaw magahatag ka kaniya sa iyang suhol, ug Dili pagapasalupan sa adlaw…Kay tingali unya magatuaw siya batok Kanimo Kang Jehova, mahimong sala kini Kanimo”.(Deuteronomio 24:14-15)
ANIA Ang mga hagit kanato karong adlawa sa kasaulogan sa “ADLAW SA MGA MAMUMUO”;
Ang mga butang sulod sa atong tagsatagsa ka panimalay, pagsakay ug pagmaneho sa sakyanan, sa paglakaw lakaw sa “side walk”, ug sa pagsul-ot sa atong mga saput maoy pipila ka mga butang nga nagapahinumdum kanato sa dakung parisipasyon sa mga Mamumuo nga ang mga bunga sa ilang mga paghago ug paningkamut nahilambigit sa atong adlaw adlaw nga pagkinabuhi.
Busa, maghiusa kita sa Pag-ampo alang sa atong mga kaigsoonang Mamumuo ug alang usab kanatong tanan.
Mag- ampo Kita:
Amahan namo nga langitnon, among gipasidunggan karong adlawa Ang mga Mamumuo ug among giangkon nga sa makadaghang higayon among gibalewala ang ilang mga paghago ug partisipasyon alang Kalambuan sa nasud ug sa among pagkinabuhi;
Daghang salamat sa pagpahinumdum kanamo karong adlawa diha sa imahe ni SR. SAN JOSE NGA MAMOMOO naila ang ilang pagkamahinungdanon nga angayan gayud nga nga pasidunggan ug pagatahuron niining adlawa ug sa tanang panahon.
Hinaut Imo Silang panalipdan sa tanang kadautan ug pagapanalanginan uban Ang ilang mga buhat.
Tabangi sila O Dios nga Makita ug mahulagway diha sa katilingban Kon si Kinsa ug unsa Sila?
Among giampo sa gihapon nga mahatagan ug igong pagtagad sa mga namunoan sa
panggamhanan ang ilang suholan nga mahaum diha sa inadlaw adlaw nga panginahanglan.
Ang ebanghelyo sa Katarung ug Katilingbanong Hustisya unta Oh Diyos ang mupatugbabaw na sa sulod sa mga panimalay, pabrika, trabahuan ug tibuok kalibutan.
Among gisalig Ang tanan diha Kanimo pinaagi ni Kristo nga among Ginoo.
Amen, Alleluia.
Filipino Katoliko
May 1, 2025